Ширер за трката за титулата во ПЛ: Разочаран сум од Арсенал…

Се одиграа десет кола во англиската Премиер лигата што е сосема доволно да се дојде до одреден заклучок за состојбата во клубовите и за тоа што се способни да направат во актуелнава сезона.

Секако секогаш најголем интерес носи трката за пехарот, па во досегашниот тек најдобро се покажа Ливерпул што можеби е изненеадување ако се земат предвид сите фактори, заминување на менаџерот Јирген Клоп и носењето на Арне Слот за кого ова е најголем предизик во кариерата, плус тука е и тивкиот летен преоден рок кој „црвените“ едноставно го преспаа со ангажман на Федерико Киеза во самата завршница.

Легендарниот Алан Ширер очекува „црвените“ да продолжат да се борат, меѓутоа според него прв фаворит за трофејот е бранителот на насловот Манчестер Сити.

-Би кажал дека Манчестер Сити е фаворит, но е блиску. Ливерпул е многу подобар отколку што мислев дека ќе биде. Не мислев дека ќе бидат кандидати, но се, нема сомнеж за тоа. Мислам дека нема да „исчезнат“.

-Разочаран сум од Арсенал на кого типував пред стартот на кампањата. Сè уште би рекол дека Манчестер Сити е само фаворит затоа што се многу блиску, -порача Ширер.