Ширер за најголемиот проблем на Јунајтед: Ван Нистелрој мора да најде некое решение

Манчестер Јунајтед се врати со пораз од гостувањето кај Брајтон, а избраниците на Ерик тен Хаг повторно имаа голем проблем со ефикасноста и беа предводени од неубедливиот Маркус Рашфорд.

Алан Ширер го коментирал настапот на Јунајтед и потенцирал дека Руд ван Нистелрој мора да работи сериозно со офанзивните фудбалери за да се избегне лошиот ефект од минатата сезона.

– Рашфорд одигра два натпревара сезонава и не упати ниту еден директен удар кон голот.

– Јунајтед минатата сезона постигна 57 голови, најмалку меѓу екипите од горниот дел на табелата, па веројатно и затоа беше доведен Ван Нистелрој. Тој ќе мора да употреби дел од својата магија за да ги подобри.

– Знам дека Хојлунд е повреден, но кога ќе се врати ќе мора да ја подобри ефикасноста, инаку вака екипата има големи проблеми пред противничките голови, – рекол Ширер.

И самиот менаџер Тен Хаг ја истакна неефикасноста како главен проблем на екипата, а останува да се види дали адаптацијата на Зиркзе и враќањето на Хојлунд ќе може да го поправат впечатокот.