Ширер за контроверзната ситуација: Челси во петокот го шокирал Стерлинг

Реакцијата на агентите на Рахим Стерлинг и барањето за објаснување од Челси поради фактот што фудбалерот не беше вклучен во составот за дербито со Манчестер Сити и натаму е топ тема во Англија.

Дел од стручните коментатори изразија поддршка за повремениот репрезентативец, но други го обвинија дека не смеел да дозволи такво соопштение непосредно пред почетокот на натпреварот, а Алан Ширер отиде чекор подалеку откривајќи интересни детали поврзани со иднина на Стерлинг во Челси.

Во емисијата во која му гостувал на Гери Линекер, Ширер открил дека Стерлинг и неговите соработници добиле важна информација два дена пред натпреварот.

– Според она што го дознав, по цели одработени подготовки со Челси, Стерлинг во петокот добил сугестија дека е најдобро да си бара нов клуб.

– Му било навестено дека веројатно ќе биде доведен друг фудбалер на таа позиција. Кога работиш напорно, професионално и никогаш не си бил некој кој не се залага на теренот, делува фрустрирачки да добиеш ваква информација, – изјавил Ширер.