Ширер: Тој изгледа несреќно, нерасположено во Јунајтед…

Манчестер Јунајтед игра чудна, турбулетна сезона во која никако не успева да фати ритам, победничка серија, поточно секогаш има одредни падови, подеми, разни проблеми кои засега прават клубот одново да биде под нивото кое се очекува од него.

Еден од играчите кој дефинитивно е големо разочараување во кампањава е Маркус Рашфорд кој има страшни изданија во натпреварувачката 2022/2023 и многумина очекуваа во најмала рака да ги даде истите партии, но засега е далеку од позицијата лидер.

Има дадено само еден гол во сите конкуренции, па Алан Ширер од свој агол се обиде да даде анализа.

-Нема едноставен одговор на тоа прашање (формата), затоа што не сме во клубот. Но, она што го гледаме е некој кој очигледно изгледа многу несреќен. Изгледа нерасположено, а кога е така никогаш нема да се претставите во најдобро светло.

-Дали чувствува дека е подобар од она што е на Олд Трафорд во овој момент, не знам. Дали се чувствува разочаран од регрутирањето затоа што отиде на друго ниво во однос на неговите голови минатата година. Клубот не отиде на тоа оваа сезона, што можеби тој го сакаше или очекуваше.

-Не гледате среќен фудбалер, не гледате среќна личност во овој момент во Маркус Рашфорд. Тој изгледа поинаков играч за Англија отколку за Манчестер Јунајтед, -истакна Ширер.