Ширер: Само еден премиерлигаш може да си го дозволи Исак

Правилата за профит и одржливост на еден фудбалски клуб прават англиските премиерлигаши да бидат доста полимитирани кога се во прашање највисоките трансфери во светскиот фудбал, па затоа Алан Ширер смета дека во моментов само еден англиски клуб може да си го дозволи Александер Исак.

Швеѓанецот блеска во Њукасл и за многумина е убедливо најдобар напаѓач во Премиер лигата во овој момент, статус кој направи неговата пазарна вредност да достигне и неверојатни 150 милиони фунти.

Тоа е сумата која Њукасл ја испраќа како сигнал до јавноста преку најблиските медиуми, што воедно е јасно предупредување до секој голем клуб кој го посакува Исак во своите редови.

– Освен Челси, не гледам кој друг клуб може да си го дозволи Исак во овој момент. Правилата за профит и одржливост се доста ригидни, па затоа сметам дека само еден клуб може да си дозволи толку голема сума на пари.

– Не велам дека тие правила се добри, но јас не сум тој кој треба да кажува колку Њукасл го проценува својот фудбалер. Слушнав дека се зборува за 150 милиони фунти, но прашањето е следно? Во кого ќе ги пренамените тие пари, во моментов сите посакуваат да имаат играч како Исак, – потенцира Ширер.