Ширер, Линекер и Ричардс го прогнозираа освојувачот на пехарот во ФА Купот

ФА Купот ќе добие нов шампион, тим кој ќе го има трофејот во своите витрини откако актуелниот Манчестер Јунајтед загуби од Фулам во осминафиналната рунда.

Веќе се познати паровите за четвртфиналето, имаме лондонска битка на Фулам и Кристал Палас, Астон Вила пак го доби најлесниот ривал на хартија и оди на Престон, Брајтон е домаќин на Нотингем Форест, додека Борнмут ќе го пречека Манчестер Сити.

Ова се мечеви кои дефинитивно ќе понудат возбудувања, голема борба, а дека ништо не се знае најдобро говори тоа што три поранешни англиски репрезентативци имаат три различни мислења, ставови околу тоа кој на крајот ќе го подигне пехарот во ова натпреварување.

Најдобриот голгетер во историјата на ПЛ, Алан Ширер „става пари“ на Астон Вила, Гери Линекер пак смета дека Борнмут може да испише историја и да триумфира, додека Мајка Ричардс смета дека нема да има изненадување и Манчестер Сити ќе го потврди статусот на фаворит во ова друштво.