Ширер избрал натпревар на англиска екипа со најжешка атмосфера: Таа ноќ беше неверојатна

Алан Ширер зад себе има искуство како фудбалска ѕвезда со многу настапи во Премиер лигата и интернационалните натпреварувања, а последните години работи како стручен коментатор за британските медиуми.

Во подкастот на Гери Линекер, поранешниот напаѓач добил предизвик да открие на кој натпревар на англиска екипа во европските купови почувствувал и искусил најдобра атмосфера, а изборот не бил лесен бидејќи Ширер присуствувал на многу вакви дуели последната деценија.

Англиските клубови освоија неколку европски трофеи, но Ширер се одлучил за натпреварот меѓу Ливерпул и Барселона, на кој „црвените“ обезбедија убедлива победа и пласман во следната фаза на Лигата на шампионите.

– Имав среќа што бев таа вечер на „Енфилд“ и никогаш немав почувствувано такво нешто.

– Кога го постигнаа првиот гол, во воздухот се чувствуваше дека можат да направат подвиг. А, кога го постигнаа вториот гол, коментарот беше само „О, мој Боже“.

– Таа ноќ на „Енфилд“ беше неверојатна, – рекол Ширер.