Шест клуба се борат за потписот на фудбалерот на Валенсија кој е посочен како најголем шпански талент

Шпанија важи за земја расадник на фудбалски таленти, а меѓу нив се вбројува и фудбалерот на Валенсија, Феран Торес.

Младиот фудбалер со своите настапи во тимот од „Месталја“ го привлече вниманието на речиси сите големи европски клубови кои ќе се обидат да го донесат во своите редови ова лето.

Јасно е дека Торес сака да си оди од Валенсија и да направи трансфер во поголем клуб, а за тоа најдобро говорат неколкуте одбиени понуди од страна на играчот за продолжување на соработката со „лилјаците“.

Од клубот веројатно „си легнале на брашното“, па се согласиле да го продадат со цел да заработат што повеќе пари.

А интересот за играчот кој сезонава собра 36 настапи за Валенсија е навистина голем. За него во моментов се интересираат шест големи европски клубови и тоа, Барселона, Реал Мадрид, Јувентус, Манчестер Јунајтед, Манчестер Сити и Ливерпул.

Јасно е дека Валенсија нема да има проблем покрај толкав голем интерес да извлече најповолна понуда и да го продаде 20 годишниот фудбалер за добри пари.