Шест голови и „покер“ на Гираси на „Сигнал Идуна парк“ (Видео)

Нико Ковач мораше да почека за првата победа во Бундеслигата како тренер на Борусија Дортмунд, а тоа го направи во третиот натпревар како лидер на тимот во домашното првенство.

По поразите од Штутгарт и Бохум, „милионерите“ имаа императив да победат по секоја цена против Унион Берлин, нешто за што говори и конечниот резултат на оваа средба.

Борусија беше убиствена на денешниот натпревар и успеа да постигне шест гола во мрежата на гостите, кои се враќаат во Берлин со тежок пораз.

Автоголот на Леите и погодокот на Гираси ставија јасно до знаење дека бодовите остануваат на „Сигнал Идуна парк“, но крајно ефикасно беше второто полувреме во кое видовме четири голови.

Гираси постигна три гола во периодот од 75-та и 83-та минута и стигна до четири погодоци на оваа средба, додека конечните 6:0 ги постави Бајер во 89-та минута.