Шек за првата плата: Потрошив милион долари за еден час!

Шекил О’Нил засекогаш ќе остане запаметен како еден од најдоминатните центри во историјата на НБА, играч кој пленеше со својата моќ, компетитивност, квалитет, па и затоа толку долго се задржа во најквалитеното друштво во кое освои четири титули со Лос Анџелес Лејкерс и Мајами Хит.

Инаку Шек својата кариерара ја започна во Орландо Меџик од кого беше избран како прв пик на драфтот во 1992 година. Секако со тој договор пристигнаа и многу пари, а Шек знаел да се опушти и многу да потроши и најдобар доказ за тоа е неговата приказна.

-Откако го потпишав договорот купив неколку луксузни автомобили, накит, купив мнгу работи. Потрошив толку многу што ми се јавија од банката и ми рекоа дека тоа ќе ме уништи ако вака продолжам. Потрошив еден милион долари од првата плата. Човекот од банка ме предупреди да не трошам толку и оти треба да внимавам на данокот, -откри О’Нил чие богарство денеска се проценува на 400 милиони долари.