Шек со прогноза: САД нема да го освои златото на ОИ во Лос Анџелес

Соединетите Американски Држави се уште се движечка сила кога е во прашање машката кошарка, но разликата се намалува и тоа се забележува од турнир на турнир.

Американците имаат проблеми на Светските првенства, а веќе не доминираат ниту на ОИ и тоа се виде летово во Франција каде со доста мака дојдоа до златото и тоа во нивниот најдобар состав.

Наредните ОИ се во 2028 година во Лос Анџелес, а легендарниот Шекил О’Нил смета дека неговите сонародници нема да останат на врвот.

-Ги гледав натпреварите на Светското првенство во Манила и не бев изненаден што Германија ги победи САД. Кога играв бевме далеку пред Европа, но тоа се промени и вие не стигнавте. Сигурен сум дека селекцијата на САД нема да освои злато на ОИ во Лос Анџелес во 2028 година.

-Леброн Џејмс нема да игра повеќе, веројатно нема да игра ниту Кевин Дурент или Стеф Кари. Не гледам дека оние што доаѓаат ќе можат да ја продолжат доминацијата. Европските тимови се многу добри. Србија, Хрватска и Германија, сите можат да освојат злато на Олимписките игри во 2028 година, -порача Шек за „Билд“.