Шек ја избра најлошата НБА ѕвезда во историјата: Имам право да се потсмевам со него!

Шекил О’Нил секојдневно ги изнесува своите мислења за време на НБА сезоната преку ултра популарната емисија „ТНТ“, но сега во овој период за одмор од најважните случувања во Америка, легендарниот центар како гостин во „Јутјуб“ емисија го избра најлошиот играч во историјата.

Неповторливиот Шек без размислување го посочи Руди Гобер како најлоша ѕвезда во историјата на НБА лигата, а во разговорот за „Комплекс“ каналот на Јутјуб, О’Нил не покажа симпатии и кон Бен Симонс.

– Најлош во историјата? Руди Гобер! Бен Симонс исто така е голема утка!

– Сепак, ќе се навратам на Гобер. Кога потпишуваш договор од 250 милиони долари, треба да покажеш дека вредиш толку. Има причина зошто се потсмевам со него. Јас си го прекршував вратот за да заработам 120 милиони долари.

– Момци како него го победија системот и ги заработуваат сите тие пари иако не знаат да играат. Не можам да почитувам таков играч, не почитувам играчи како него. Секогаш кога зборувам за него, луѓето мислат дека сум хејтер, но тоа се всушност факти. Имате доктори, пожарникари и учители кои добиваат срање плата за тоа што го работат, а на друга страна го имате Руди Гобер, – вели Шек.