Шеј издоминира против Лејкерс, Бостон го доби шутерското шоу во Чикаго

Оклахома Сити одигра уште еден добар натпревар на гостински терен и утринава славеше над Лос Анџелес Лејкерс, откажувајќи го противникот од следната фаза во НБА купот.

Шеј Гилџус-Александер постигна 36 поени, од кои 15 во последниот период, во кој ги откажа домаќините од обидот да се вратат во натпреварот.

Вилијамс додаде 19 поени за гостите кои се во серија од четири победи, додека кај Лејкерс, многу скромни беа првите ѕвезди Дејвис и Џејмс, кои го завршија натпреварот со 15, односно 12 поени. Најефикасен бил дебитантот Кнехт со 20 поени.

Минесота го совлада тимот на Л.А Клиперс во натпревар на кој немаше многу поени, а Едвардс беше најдобар реализатор со 21 поен на оваа средба.

Целосна спротивна слика НБА фановите видоа во Чикаго, каде Булс беа расположени за игра, но Бостон Селтикс успеа да го добие натпреварот. Тејтум уфрли 35, а Причард 29 поени за победничкиот тим, додека Вучевиќ и ЛаВин го завршија дуелот со 32, односно 29 поени во редовите на Чикаго.

Бруклин – Орландо 100:123
Минесота – Л.A Клиперс 93:92
Чикаго – Бостон 129:138
Мајами – Торонто 121:111
Л.А Лејкерс – Оклахома Сити 93:101
Портланд – Сакраменто 115:106