Шеј го украде шоуто во МВП битката со Јокиќ, Оклахома му нанесе тежок пораз на Денвер (Видео)

Оклахома е убедливо најдобар тим на Западот во регуларниот дел од сезоната и тоа го покажа во повеќе наврати, а потврда за тоа добивме и вечерва во дерби пресметка со Денвер.

Дуелот на двата најдобри играчи во НБА лигата и главни претенденти за МВП титулата му припадна не Шеј Гилџус-Александер, кој одново беше лидер на својот тим во победата од 127:103.

Разиграниот Шеј важи за прв фаворит во МВП трката и покажа дека оваа година е подготвен да го победи Јокиќ, па така вечерва испорача нова извонредна партија со 40 постигнати поени. Покрај големиот број поени, Шеј придодаде во победата со 8 скокови и 5 асистенции, а голема поддршка доби од Џејлен Вилијамс кој уфрли 26 поени.

Никола Јокиќ беше во свој фазон и му недостасуваше само едно додавање за да забележи нов трипл-дабл, но за него и соиграчите мала утеха е билансот од 24 поени, 13 скокови и 9 асистенции.

Денвер го претрпе третиот пораз од Оклахома оваа сезона, и тоа трет убедлив во период од само неколку месеци.

SGA'S SPECTACULAR SEASON CONTINUES ✨

⛈️ 40 PTS, 8 REB, 5 AST, 3 BLK, W ⛈️

IT'S HIS 3RD STRAIGHT GAME WITH 40+ PTS AND HIS 40TH 30+ PT GAME OF THE YEAR. 🤯🤯 pic.twitter.com/zSy75mzHOq

— NBA (@NBA) March 9, 2025