Поврзете се со нас

Формула 1

Шефот на Ред Бул повлече паралела меѓу Хамилтон и Ферстапен: Во Мерцедес успева и возач на Вилијамс

Објавено

на

Шефот на Ред Бул, Кристијан Хорнер во своето последно интервју направи паралела меѓу пилотот на Мерцедес и актуелен шампион, Луис Хамилтон и пилотот кој вози за тимот на Хорнер, Макс Ферстапен.

Според зборовите на Хорнер, Ферстапен е многу подобар возач од седумкратниот Ф1 шампион, а ваквите негови размислувања му ги потврдила и трката во која местото на Хамилтон го зазеде Џорџ Расел кој за малку не ја освои трката.

– Ферстапен е најдобар, а настапот на Џорџ Расел во Мерцедес ми го потврди тоа. Макс и Луис дефинитивно се издвојуваат, и додека ние дефинитивно не треба да бидеме слепи на остварувањата на Луис Хамилтон, мора да бидеме јасни дека тој тоа го направи имајќи „целосен продукт“, а Макс мораше да вади повеќе од својот болид.

– Во Мерцедес, возач на Вилијамс може директно да се квалификува во првиот ред, а Расел за малку и ќе ја добиеше трката во која учевствуваше.

– Но, ако на Ред Бул му треба некој кој ќе го замени Ферстапен, пример ако Макс добие корона, никој нема да го постигне неговото ниво. Сите други имаат полоши перформанси во споредба со Макс, -изјави Хорнер.

Освојување и на шампионатот во 2021 година ќе значи дека Луис Хамилтон ќе се издвои на вечната листа на најдобри возачи на сите времиња, минувајќи го рекордот на Михаел Шумахер.

Реклама
Реклама
Реклама

Популарни