Шчесни откри што почувствувал и зошто го напуштил теренот: Се преплашив, никогаш не сум доживеал нешто вакво

Матија Перин со две бравурозни интервенции ја одбрани победата на Јувентус над Спортин Лисабон во првото четвртфинале во Лигата на Европа, но и натаму топ тема во Италија останува Војчех Шчесни кој го напушти теренот во првиот дел.

Полјакот имаше неколку добри интервенции во првиот дел пред да се пожали на болка во градите, по што и самиот почна да паничи и со многу емоции и солзи во очите го напушти теренот.

Оваа слика ги преплаши фановите во Торино кои му дадоа огромна поддршка на голманот кога беше блиску до клупата, а Јувентус многу брзо ги смири сите фудбалски фанови и откри дека првите медицински прегледи биле позитивни.

Шчесни претрпел блага тахикардија и поради тоа почнал забрзано да дише, па според претпоставките, најголем проблем за него направила паниката која настанала во дадениот момент.

– Добро сум, не е ништо страшно. Бев анксиозен, но ги направивме сите тестови и се е во ред со мене. Бев навистина преплашен, никогаш не ми се случило вакво нешто во животот, се мачев да дишам и навистина бев загрижен, – изјавил Полјакот за „Скај“.

After an initial check, Tek is doing well 💪 pic.twitter.com/rKbzJLQ2zC

— JuventusFC 🇬🇧🇺🇸 (@juventusfcen) April 13, 2023