Шарапова на најкреативен начин му честиташе на новиот шампион Синер: Знаев дека еден ден ќе се покаеш за ова (Видео)

Јаник Синер го привлече вниманието на себе уште во петокот кога го елиминираше десеткраниот шампион на Аустралијан Опен, Новак Ѓоковиќ, а својата победничка мисија ја комплетираше вчера кога во финалето го победи Данил Медведев.

Италијанецот покажа завидна истрајност и смиреност за своја возраст и се врати од два сета негатива, па откако ја освои првата грен слем титула во кариерата, добива честитки од сите страни ширум светот.

Веќе можевме да ги видиме пораките кои му ги испратија Новак Ѓоковиќ, Карлос Алкарас и Рафаел Надал, но во низата се приклучи и Марија Шарапова која беше најкреативна со својата објава.

Популарната Маша се наврати на една незаборавна дружба која ја имала со младиот тенисер, кој во видеото е прикажан во навистина несекојдневно издание.

– Знаев дека еден ден ќе се покаеш за ова. Ти честитам шампионе! Трпение, сталоженост и класа.

I knew that one day you’ll regret this 🤣🤣 Congrats Champ!! patience, poise & class 🏆👏 pic.twitter.com/GwnQ2B4Esm

— Maria Sharapova (@MariaSharapova) January 28, 2024