Шампионот тргна победнички со стар рецепт: Баер Леверкузен до победа со гол во 101. минута

Фудбалерите на Баер Леверкузен со триумф ја започнаа одбраната на титулата во Бундеслигата, која минатата сезона за првпат во историјата ја освоија на повеќе од доминантен начин.

Избраниците на Чаби Алонсо буквално продолжија таму каде што застанаа и во првото коло ја совладаа Борусија во Менхенгладбах со 3:2. Решавачкиот гол го постигна Флоријан Вирц во 11. минута од судиското надополнување.

Според сите проценки, Леверкузен заслужи да победи на овој натпревар, но му се случи нешто што толку пати имавме можност да го видиме во сезоната што е зад нас. Прими два брзи гола, а овојпат се спаси со гол во судиското надополнување, кој „фармацевтите“ го патентираа во својата шампионска сезона.

Првиот гол во новиот шампионат сигурно ќе биде еден од главните претенденти за голот на сезоната во Германија.

Се играше во 12. минута, кога стоперот на домашниот тим Елведи упати катастрофално додавање, кое го пресретна Фримпронги, кој тргна во напад по десната страна. Холанѓанецот потоа нафрли, играч на Гладбах ја зафати топката со глава, а таа падна на стапалото на Гранит Џака, кој со левата нога од 25 метри испрати вистински „проектил“ за 0:1.

Фантастичен гол, кој навистина не се среќава толку често!Џака како поранешен играч на Борусија не се радуваше на своето ремек дело.

Шампионот го удвои водството во 38. минута. Фримпонг повторно започна се, се проби по десната страна, влезе во шеснаесетникот, па испрати додавање, по што имаше голема гужва во која најдобро се снајде Флоријан Виртц кој со удар од шест метри ја затресе мрежата за 0. :2.

Во 43. минута домашните постигнаа гол преку Клајндинст, но истиот беше поништен по проверка во ВАР просторијата.

Леверкузен влезе во вториот дел решен брзо да постигне трет гол и да ја заврши работата, но беше пресечен во 59. минута. Нико Елведи се изавди за својата грешка и од шеснаесетникот по гужва го матираше Храдецки за 1:2.

Долго време и овој гол се проверуваше во ВАР просторијата, поради можниот офсајд на Итакура, кој имаше важен контакт со топката пред голот. Милиметри одлучија и беше одлучено дека голот е легален.

Во продолжението од нападите на Леверкузен немаше големи шанси, но гостите имаа апсолутна контрола и потоа во 85. минута и директно од никаде 2:2.

Одлична акција изведе Гладбах, која беше крунисана со убавото и точно додавање од Штегер до Клајндинст, кој успеа да стигне до топката пред Тапсоба и од околу шест метри да ја испрати во мрежата.

Гостите продолжија да напаѓаат, излегоа со сите сили за три поени и успеаја да ги однесат во 100. минута. Итакура го собори Адли во шеснаесетникот, а по нова проверка на ВАР, судијата покажа на белата точка.

Омлин го одбрани пеналот на Вирц, но тој ја задржа присебноста, го собра „отпадокот“ и го смести во мрежата, за конечни 2:3. Нова сезона – стари навики. Леверкузен нема само така да се откаже од титулата.