Шампионот падна во Скопје: Вардар го надигра Пелистер во првата лигашка пресметка

Ракометарите на Вардар 1961 славеа над Еурофарм Пелистер со 30-25 во првата лигашка пресметка во натпреварувачката 2023/2024.

Пред неколку дена „црвено-црните“ го надиграа вечниот ривал и во Супер Купот на Македонија, па ова јасно покажува четата на Недановски и Стоилов е одлично подготвена и спремна да даде се од себе во оваа кампања за да го врати тронот во македонскиот ракомет.

Вардарци беа подобар ривал низ сите 60 минути во СЦ „Јане Сандански“, знаеја што да направат во секоја ситуација, да одиграат на високо ниво како во одбраната така и во нападот. На голот блескаше Томовски кој имаше двоцифрен број на одбрани, додека во нападот расположени беа Јасихура, Срдановиќ, Лазаревски…

Скопскиот тим сега има два од два, во наредното коло ќе се соочи со Тинекс Пролет.

Пелистерци пак имаа дуел со Мулти Есенс.