Шампионот лесно го освои Ла Паз: Аргентина победува и без капитенот Меси (ВИДЕО)

Репрезентацијата на Аргентина го прокнижи втората победа во квалификациите во Јужна Америка за Светското првенство кое е на програмата во 2026 година.

„Гаучосите“ имаа незгодно гостување во Ла Паз во Боливија, меч на кој настапија без повредениот капитен Лионел Меси, ама тоа не беше проблем да дојдат до посакувуваните три бода.

Овие средби кои се играат во Боливија можат да бидам многу тешки поради надморската височина, ама избрнаиците на Скалони овојпат немаа никакви проблеми и рутинирано дојдоа до трите бода со славје од 3-0.

Ветеранот Ди Марија испорача две асистенции во првиот дел, додавања при кои во листата на стрелци се запишаа Фернандез и Талјафико. Потоа беше се полесно за актуелниот светски шампион кој го потврди триумфот во 83 минута преку погодокот на членот на Фиорентина, Гонзалес.

Аргетина има два од два, во октомври месец има соочувања со Парагвај и Перу.