Шампионот го пронајде наследникот на Вер: Искусниот Кари е нов член на МЗТ Скопје (ВИДЕО)

Актуелниот македонски кошаркарски шампион МЗТ Скопје го пронајде наследникот на Дастин Вер кој одлучи да го напушти Аеродром и Македонија и потпиша за Шалон Ремс од Франција.

Нов член на скопскиот состав е искусниот Американец Морис Кари. Кари има 34 години и во Европа е долго време, па така во досегашната кариера има настапувано во Полска, Грција, Австрија, Германија, Финска, Бугарија, Франција, Естонија, Турција, Романија и Унгарија.

Се очекува тој да пристигне до крајот на неделава со што би имал доволно време да се аклиматизира на новата средина и да влезе во системот на тренерот Дарко Радуловиќ пред четвртиот турнир во АБА2 лигата кој се игра во Бања Лука.