Шалаи испрати кратка порака откако ги преплаши присутните на дуелот во Амстердам

Поранешниот унгарски репрезентативец Адам Шалаи се чувствува добро и самиот испрати кратка порака, откако ги преплаши присутните, на стадионот на кој неговата Унгарија и гостуваше на Холандија во Лигата на нации.

Шалаи е дел од стручниот штаб на унгарската репрезентација, а натпреварот беше прекинат поради лекарската интервенција откако тој добил напад само седум минути по почетокот на средбата.

Шок и прекин во Амстердам: Член на унгарскиот тим колабираше на „Јохан Кројф арена“ (Видео)

Поранешниот напаѓач итно е префрлен во болница во Амстердам, а федерацијата информираше дека по интервенцијата е свесен и во стабилна ситуација.

– Им благодарам на сите за пораките, се чувствувам добро – порачал Шалаи од болницата во текот на ноќта.

Унгарските репрезентативци решија да го продолжат натпреварот, но загубија со убедливи 4:0.