Севилја ќе го испрати Окампос во Мексико, познат и фаворитот за негов наследник

Раководството на Севилја и натаму има финансиски проблеми и не успева да го задржи нивото од претходните години, а клубот од Андалузија веројатно ќе остане без уште еден важен играч по завршувањето на преодниот рок во Европа.

Како што пренесуваат медиумите, Луис Окампос е пред заминување и тоа во мексиканскиот клуб Рајадос де Монтереј, кој сака да го види офанзивниот фудбалер во своите редови.

Аргентинецот има уште само една година од договорот со Севилја, па клубот не може да добие повеќе од 8 милиони евра за овој трансфер, иако раководството не инсистира на продажба и не му прави притисок на фудбалерот.

Најавите се дека ако Окампос замине, тогаш Севилја може да го доведе Мемфис Депај како негова замена.

Депај по разделбата со Атлетико Мадрид се уште нема клуб и може да потпише како слободен агент и по завршувањето на преодниот рок.