Севилја договори нов тренер, а се уште не го отпуштила Лопетеги

Раководството на Севилја направи контроверзен чекор, договарајќи нов тренер, иако се уште го нема отпуштено Хулен Лопетеги.

Слабата резултатска серија ги наведе одговорните да решат да ја завршат соработката со Лопетеги, а неговото место ќе го заземе Хорха Сампаоли.

Поранешниот аргентински селектор треба да пристигне во Андалузија во четврток и да дебитира на клупата на Севилја претстојниот викенд, на дуелот со Атлетик Билбао.

Преговорите со Сампаоли започнале уште пред последниот пораз на Севилја, а Лопетеги ќе се прости со играчите на дуелот со Борусија од Лигата на шампионите, на кој се очекува и натаму да ја извршува тренерската функција.

Целосно неочекувано, Севилја по седум рунди во Ла Лига има само една победа и е блиску до дното на табелата на Ла Лига.