Серија А со поинаков протокол од Бундеслигата, едно правило ја прави сезоната многу неизвесна

Италијанските медиуми експресно ја пренесоа информацијата дека владата дозволила одржување на групни тренинзи на членовите на Серија А од 18. мај, но медицинскиот протокол кој е адаптиран носи голем ризик за продолжението на сезоната.

Министерот за спорт, Винченцо Спадафора појасни дека за разлика од Бундеслигата, во Серија А ќе важат поинакви правила, а она кое може да донесе крај на сезоната е поврзано со позитивен вест на коронавирус.

Спадафора појаснил дека ако само еден играч од клубот е позитивен, тогаш целиот тим ќе мора да оди во карантин 14 дена, што со други зборови значи дека таа екипа нема да може да тренира или да игра натпревари ако сезоната е започната, а тоа ќе ја доведе во прашање целата регуларност.

Во Германија, правилото е дека секој фудбалер или член на стручниот штаб што е позитивен оди во карантин, но не и неговиот цел тим.

Засега е јасно дека колективните тренинзи се дозволени од 18 мај, а за да продолжи сезоната Италијанската фудбалска федерација треба да го прифати новиот протокол на владата.