Италија

Серија А со краток коментар ја опиша магијата на Елмас (Видео)

Објавено

на

15 февруари, 2025

Од

Елиф Елмас на најдобар можен начин дебитираше во дресот на Торино, па иако неговиот тим не го оствари посакуваниот резултат, македонскиот репрезентативец режираше мајсторија која само потврдува дека станува збор за специјален фудбалски потенцијал.

Елмас продаде „тунел“ пред да испорача шмекерски лоб во мрежата на Болоња, па иако на крајот тоа не се покажа како доволно ниту за бод, магијата на македонскиот „дијамант“ стана топ тема во Италија.

Серија А како официјално натпреварување не остана рамнодушна на мајсторијата на Елмас, кој со прикажната техника само покажа дека е посебно мотивиран при реализираниот кам-бек во Италија.

По една година со лоши спомени од Германија, Елмас се врати во италијанската елита, а веќе на првиот натпревар покажа дека ќе биде огромно засилување за Торино.

– Елиф Елмас, тоа беше фантастично , – гласи објавата на Серија А.