Серафимов: Против Словенија заличивме на репрезентација, добро е што…

Македонија денеска одмара на Светското првенство во Катар каде веќе утре не очекува нов голем предвизвик, пресметка со селекцијата на Русија.

Тоа е дуел на кој дел од играчите ќе можат да соберат дополнително искуство, група во која е Мартин Серафимов кој против Словенија доби шанса за деби настап и се прикажа во добро издание.

-Во првите дваесетина минути заличивме на репрезентација каква што сакаме да бидеме. Добро е што ние младите имавме поголема минутажа, тоа ќе ни значи во иднина. Ова е турнирски систем и воопшто не е лесно. Да не заборавиме немавме доволно време за доградување на физичката подготвеност. Против Русија сме подготвени да го дадеме максимумот, -истакна Серафимов.

Горан Крстевски исто признава дека е многу напорно, тешко, меѓутоа мора да се даде се од себе на теренот.

-Навистина е тешко и во Романија мојата екипа беше во изолација. Тешко е да се вратиш во тренинг и во натпревари. Уморни сме, но ќе издржиме, -рече Крстевски кој зборуваше и за загубениот меч со Словенија.

-Позитивни се првите дваесетина минути, покажавме борба и зрелост, добра одбрана. Потоа следуваше пад, ама не заслуживема да загубиме толку убедливо. Словенците ги искористија наши грешки, -заклучи бекот.