Сензорот на Адидас откри колкава брзина достигнала топката по „бомбата“ на Рашфорд (Фото)

Мароканецот Сабири го матираше Тибо Куртоа од мртов агол и се изнарадува на голот кој значеше прв погодок од слободен удар на ова Светско првенство, но по деталните прегледи и употребата на новата технологија, ФИФА погодокот му го препиша на Саис кој наводно ја допрел топката пред истата да заврши во белгиската мрежа.

Ова направи мајсторијата на Маркус Рашфорд против Велс да биде прв директен гол од слободен удар на 22-то Светско првенство, кое е збогатено и со новата технологија на „Адидас“.

Угледниот гермнаски бренд има вградено сензори во „Ал Рихла“ кои го детектираат секој допир и промена на правец, но исто така ја мерат и брзината и ротациите со кои патува топката.

Ова овозможи да добиеме детална анализа за ремек-делото на Рашфорд од слободен удар, кое било изведено од 23,39 метри, достигнало максимална брзина од 115,63 километри на час и имало просечна ротација од 6,21 вртежи.

Модерната технологија измерила дека просечната брзина на топката изнесувала 102 километри на час, а само за потсетување, истата и помогна на ФИФА да ја потврди својата одлука и да му го поништи голот на Кристијано Роналдо против Уругвај.