„Сент Џејмс Парк“ е вистинска тврдина: Њукасл го надигра и го мина Јунајтед на премиерлигашката табела (ВИДЕО)

Тимот на Њукасл сака да игра во Лигата на шампионите во наредната сезона, а до таа цел се стига до партии како вечерашнава, партија во која го надиграа, победија еден од главните ривали за Топ 4 пласман-тимот на Манчестер Јунајтед.

Избраниците на Еди Хау сосема заслужено дојдоа до триумф од 2-о со кој сега се израмнија со „црвените ѓаволи“ по бројот на бодови (50), ама поради подобрата гол разлика се на третата позиција на табелата.

Домаќините беа поконретен состав на „Сент Џејмс Парк“, но долго време се мачеа да дојдат до посакуваното водство или поточно на тој пат им стоеше голманот Де Хеа кој имаше неколку добри интервенции. Меѓутоа Шпанецот не можеше ништо да направи во 65 минута кога Вилок се најде на вистинското место за 1-0.

Овој резултат беше активен до 88 минута кога нововлезениот Вилсон ја зголеми позитивата на Њукасл, поточно стави точка на сите дилеми околу победникот.

Во нареното коло Њукасл има дуел со Вест Хем, додека Јунајтед има соочување со Брентфорд.