Поврзете се со нас

Шпанија

Семедо откри неверојатна анегдота за Меси и неговите вонсериски слободни удари

Објавено

на

blank

Барселона одлучи да се ослободи од неколку првотимци во изминатиот преоден рок и играчите кои беа редовни стартери кај претходните тренери, а еден од нив беше Нелсон Семедо од кого каталонскиот гигант доста лесно се откажа.

Семедо е играчот од кого Барса најмногу заработи во 2020-та година, но како дефанзивец од кого Роналд Куман доста брзо се откажа, на Португалецот не му преостана ништо друго, освен да си бара нова средина.

Десниот бек сега е член на Вулверхемптон и потенцира дека воопшто не се кае што направи трансфер кај „волците“, а во ексклузивното интервју кое го направи за „Телеграф“, говореше и за најдобриот соиграч од Барселона, Лионел Меси.

– Кога се вратив од одмор, беа искрени и ми порачаа дека јас сум еден од играчите од кои можат да заработат. Ми објаснија дека има финансиски проблеми, а во иста ситуација како мене беа и Суарез и Видал. Бев изненаден, иако во фудбалот треба да очекувате секаков расплет, – порачува Семедо, кој во продолжение открива неверојатна анегдота за Меси.

– Немам доволно зборови за да опишам колку е добар. Сепак, има една работа која го прави навистина неверојатен. Никогаш не го видов да тренира или да изведува слободни удари на тренинзите за време на моите три години во Барселона. Никогаш не вежбаше удари. Сите останати се обидувавме на тренинзите, но тој никогаш не изведе слободен. За него, сето тоа што се случува на натпреварите е нормално. Затоа е неверојатен фудбалер, играч кој не може да го опишете со зборови, – додава Португалецот.

Реклама
Реклама
Реклама

Популарни