Селта на најдобар можен начин им го честиташе Божиќ на своите фанови (Видео)

Сите верници кои се водат по Грегоријанскиот календар денеска го слават Божиќ, денот кој го означува Христовото раѓање според христијанската традиција.

Овој празничен период е време од годината кога мала пауза добиваат и големите фудбалски ѕвезди, но за разлика од Англија каде се одмора само два дена, во Шпанија фудбал нема да се игра до стартот на 2025-та година.

Тоа и овозможи на Селта да седне на маса со својот капитен и да донесе одлука која ги израдува сите фанови на клубот од Виго, па едноставно симпатизерите не можеа да добијат подобра Божиќна честитка.

Легендарниит Јаго Аспас го продолжува својот фудбалски пат во матичниот клуб и на 37-годишна возраст, откако денеска ја продолжи соработката на најмалку уште една сезона.

Селта објави емотивно видео со инсерти од специјални моменти за Аспас носејќи го дресот на клубот, а за крај се обраќа и самиот Јаго во друштво на цело свое семејство, посакувајќи им среќен Божиќ на своите навивачи.

Dicen que nada es para siempre… pic.twitter.com/u1ersXYNH8

— RC Celta (@RCCelta) December 25, 2024