Селекторот на Мексико почна да крвави од главата додека џентлменски му честиташе на противникот (Видео)

Натпреварот од четвртфиналето на КОНКАКАФ Лигата на нации меѓу Хондурас и Мексико заврши со победа на домашната репрезентација, но и раскрварена глава на гостинскиот селектор Хавиер Агире.

Домашната репрезентација заработи одлична предност во однос на реваншот, нанесувајќи му го првиот пораз на Мексико под водство на Агире, а постојаните провокации кон гостинскиот селектор кулминирале по крајот на средбата.

Камерите го уловија шокантниот момент во кој Агире тргна да се поздрави со селекторот на Хондурас и додека го прави тој џентлменски потег, од неговата глава протекува крв како последица од полната лименка која го удри во главата неколку секунди претходно.

По натпреварот, Агире бил невообичаено мирен.

– Тоа е фудбалот, не е важно, – изјавил мексиканскиот селектор, кој не сакал да ги нападне домашните фанови и воопшто организацијата на натпреварот.

Agreden a Javier Aguirre en el Honduras-México al final del partido.
Impresionante cómo reacciona, no hace ni caso y felicita al técnico hondureño.

pic.twitter.com/XU688CtjFy

— Jordi Jimenez (@Jordi10Jimenez) November 16, 2024