Сејдини испрати моќна порака со видео од вип ложата: Ова е повеќе од фудбал

Македонската фудбалска репрезентација покажа дека знае да игра и да се натпреварува со најдобрите, додека македонските фанови покажаа дека секогаш се тука да дадат поддршка.

30 илјади навивачи вчера ги исполнија трибините на „Тодор Проески“ и се погрижија за вистински фудбалски празник во месец ноември, а конечниот резултат 1:1 против една од најсилните селекции во светот доволно говори за залагањето на нашите фудбалери.

Избраниците на Благоја Милевски се бореа за секоја топка на теренот и добија честитки од сите присутни на националната арена, на која секако беше и првиот човек на македонскиот фудбал.

Муамед Сејдини пред натпреварот со Англија имаше објава за новиот тревник на теренот, а сега покажа како изгледал голот на Енис Барди од негов агол во вип ложата.

– Еден гол запали пламен радост во срцата на 30.000 навивачи на Арената “Тодор Проески” вчера! Ова е повеќе од фудбал. Се работи за секој граѓанин на Република Македонија кој верува, навива и сонува. Мали сме, но заедно сме моќни. Напред Македонија!, – порача Сејдини.