Себичниот Гарначо дриблаше во место и иницираше контра, бесниот Касемиро му одржа лекција (Видео)

Касемиро често е на мета на критики поради своите изданија кои ги има во Манчестер Јунајтед, без оглед на фактот што Бразилецот секогаш е меѓу оние кои најногу се трудат на теренот.

Англиските експерти знаат да бидат навистина брутални во своите анализи за играта на искусниот играч за врска, но фановите на Јунајтед сепак во него препознаваат вистински лидер, кој вчера одново мораше да му држи лекции на еден невнимателен соиграч.

Алехандро Гарначо претеруваше со дриблањето на натпреварот против Челси и во една ситуација иницираше контра на противникот, а наместо да се врати да помогне во одбрана, остави на соиграчите да го решаваат проблемот.

Касемиро беше најблиску и со прекршок спречи уште поопасен напад за гостите, но откако стана од земја, јасно го искажа бесот.

Бразилецот не пропушти шанса да му одржи лекција на Гарначо за непотребното држење на топката, реакција за која доби многу позитивни коментари на социјалните мрежи.

🚨🎥 – Look at THAT moment when angry Casemiro absolutely ripped into Garnacho 🤯

Good to see this from Casemiro. Many players need to be held accountable for their actions.pic.twitter.com/a1WiQTPlK5

— UF (@UtdFaithfuls) November 4, 2024