Себалјос покажа како изгледа неговиот зглоб после непријатна повреда (Фото)

Дани Себалјос нема среќа со повредите и тоа го оневозможи изминативе години да се наметне кај Карло Анчелоти, бидејќи секојпат кога имаше шанса да се докажува на стартот на сезоната, следеше подолга пауза од терените.

Сценариото се повтори и овојпат бидејќи Себалјос потешко се повреди на првиот старт кој го доби од италијанскиот стручњак, па наместо да се радува, сега ќе мора да паузира околу два месеци.

Иако се повреди уште во првото полувреме, Дани со повреден зглоб издржа уште половина час на теренот и на свои нозе излезе во 65-та минута, но по натпреварот станало јасно дека се работи за потешка повреда.

Себалјос има истегнување на лигаментите од трет степен и во следниот период ќе мора напорно да работи на рехабилитација, а во меѓувреме самиот реши да открие како изгледа неговиот зглоб.

– Еден ден помалку до враќањето на терените, – порача Дани.