Себалјос ја зачуди Шпанија со гримасите на клупата за резерви, па и самиот остана шокиран од видеото

Дани Себалјсос драстично го промени својот статус во првиот тим на Реал Мадрид оваа сезона, па дојде во ситуација да биде сигурен стартер на речиси сите важни натпревари.

Изминатиов викенд Карло Анчелоти одмораше дел од стартерите и поштеди неколку фудбалери на натпреварот против Џирона, а бидејќи Себалјос влезе како резерва во вториот дел, најголем дел од мечот мина на клупата за резерви.

Играчот за врска немаше некој позначаен потег на теренот во 18-те минути кои ги доби од Анчелоти, но затоа стана вирален хит поради едно видео кое се шири на социјалните мрежи.

Чудните и тешко сфатливи гримаси кои ги прави Себалјос на клупата за резерви не може да ги објасни ниту самиот фудбалер, кој реши да си фаќа сеир такашто го сподели видеото на својот официјален профил.

– Умирам од смеа……

Ahhahahahahahahahahahaha me muero https://t.co/4y0uJJb2q1

— Daniel Ceballos (@DaniCeballos46) February 24, 2025