Се врати во позната средина: Велко Маркоски одново ќе го носи дресот на Вардар

Актуелниот македонски шампион Вардар 1961 доведе уште едно засилување за битките во вториот дел од сезоната.

Нов член на „црвено-црните“ е поранешниот македонски репрезентативец Велко Маркоски кој во последнава полусезона ги бранеше боите на Струга. Маркоски е познат како голем борец, специјалист за одбранбени задачи, па неговото искуство, квалитет ќе придонесе за за создавање на уште погранитна одбрана.

Ова за Велко е враќање во Вардар затоа што тој беше дел од тимот од 2003 до 2010 година. Договорот е со важност до крајот на кампањата со можност соработката да биде продолжена.

Маркоски заедно со останатите играчи кои немаа репрезентативки обврски (Гогов, Ристовски, Стојановски, Мишевски, Карапалевски, Моралес, Лазаревски, Атанасовски, Стоилов и Ќосевски) ќе тренираат, подготвуваат за пролетните предизвици, битки во кои Вардар има амбиција да ја освои двојната круна.