Се враќа во позната средина: Тибодо ќе биде нов тренер на Њујорк Никс

Негогашниот предводник на Чикаго Булс и Минесота Тимбервулвс, Том Тибодо ќе биде нов тренер на Њујорк Никс.

Според информациите на „ЕСПН“ и секогаш добро информираниот Адријан Војнаровски тимот од „Медисон Сквер Гарден“ и 62 годишниот стручњак ги средуваат последните детали пред да биде потпишан петгодишен договор.

The New York Knicks and Tom Thibodeau are finalizing a five-year deal to make him the franchise’s next coach, sources tell ESPN.

— Adrian Wojnarowski (@wojespn) July 25, 2020

Ова ќе значи дека Тибодо ќе се врати во Њујорк со тоа што сега ќе ја има улогата на главен тренер, а не како од 1996 до 2004 кога му беше асистент на Џеф Ван Ганди. Како и да е Том ќе го чека тешка задача, сериозен предизвик со оглед на тоа што Никси долги години резултатски се мачат и не успеваат да фатат приклучок со најдобрите екипи во лигата.

Натпреварувачката 2019/2020 ја завршија со учинок 21-45, а тоа значеше дека шеста година во низа остануваат без настап во плејофот.