Се враќа во позната средина: „Лавовите“ го потврдија ангажманот на Фазли (ФОТО)

Скопскиот прволигаш Македонија Ѓорче Петров потврди уште еден трансфер пред стартот на вториот дел од домашниот шампионат, а тоа е оној на Самир Фазли.

Фазли по трет пат во кариерата ќе го носи дресот на составот од Ѓорче Петров.

Напаѓачот го започна фудбалското патување како сениор токму во таборот на „лавовите“ по што следуваа ангажманите во Херенвен, Хелмонд, Вил, Рудеш, Шкендија, па одново враќање во Македонија, кратка авантура во Казахстан во Туран за да сега повторно се врати дома.

Поранешниот македонски шампион во овој преоден рок претходно ги доведе Амирхосеин Хаџиага, Давид Атанасовски,  Годберг Купер, Кристијан Стојкоски, а на на перманетна основа го потпиша Сефер Емини.

Ѓорчепетровци пролетниот дел од ПМФЛ ќе го започнат на домашен терен со средба против Тиквеш.