Се пресели во Саудиска Арабија, селекторот Куман го отпиша: Вратата е затворена за него

Пред нас е период наменет за натпреварите во Лигата на нации, но во исто време се прават и трансфери затоа што во некои земји се уште е активен, отворен летниот преоден рок.

Една од тие земји е Саудиска Арабија од каде секојдневно добиваме вести за некој реализиран трансфер, а една од тие операции беше за Стивен Бергвајн кој од Ајакс се пресели во Ал Итихад.

Ајакс ќе добие 25 милиони евра, офанзивецот добро ќе ја наплати преселбата на Блискиот Исток, но во исто време тој си ја затвори вратата во холандската репрезентација. На селекторот Роналд Куман воопшто не му се допадна овој потег и отворено, директно порача дека за Стивен нема да има место во националниот тим.

-Вајналдум отиде бидејќи имаше проблем во Пари Сен Жермен. Тој можеше да оди во таа земја да игра фудбал само до јануари. Во случајот со Бергвијн оди на 26 години, спортската амбиција не преовладува. За среќа не размислуваат сите на ист начин. Мислам дека кога имаш 26 години, главната амбиција треба да биде спортска, а не финансиска, но тоа се изборите што ги прават играчите.

-Тој можеше да остане во Ајакс, нели? И мислам дека добро плаќаат и во Ајакс. Ама да, тоа е негов избор. Јас самиот не сум бил во таква ситуација. Можев да одам во Барселона. Мислам дека ако Бергвајн можеше да замине во Барселона, немаше да замине во Саудиска Арабија. Сепак книгата во холандската репрезентација е затворена за него. Тој не ме контактирал, мислам дека знае како размислувам за ова, -заклучи Куман.

Бергвајн има одиграно 25 средби за „лалињата“.