Се појави заинтересиран тим за Кепа Аризабалага

Долго време се шпекулира дека голманот на Челси, Кепа Аризабалага ќе си оди од клубот по крајот на сезоната.

Се уште најскапиот голман во светот го загуби првотимскиот статус во Челси во текот на оваа сезона, а него го замени искусниот Вили Кабаљеро кој неодамна потпиша нов договор со „сините“.

Сега, каталонскиот весник „Спорт“ пренесува дека Валенсија покажала интерес за 25 годишниот чувар на мрежата.

Клубот од „Местаља“ ќе се обиде да го донесе Кепа во своите редови и како што пишува шпанскиот весник веќе ја подготвува понудата за голманот.

Од Челси пак се поврзуваа со ангажман на Мануел Нојер, но сега кога Германецот се реши да ја продолжи соработката со Баерн Минхен, единствена опција им остана Андре Онана од Ајакс кој потврди дека ќе си оди од Амстердам ова лето.