Се поизвесно заминувањето на Јовиќ од Реал Мадрид, преселба во Серија А најреална опција

Лука Јовиќ не е најпосакуван лик во таборот на Реал Мадрид. Српскиот интернационалец повторно го навлече гневот на раководните структури на клубот откако на првите тренинзи се појави со тешка повреда на стапалото.

Претходно Јовиќ не го почитуваше карантинот во Србија и беше нападнат од сите релевантни институции во оваа земја, а коментари со осуда стигнаа и од Мадрид.

Сега е повеќе од јасно дека од „кралскиот клуб“ ќе се обидат да се ослободат од играчот кој го платија 60 милиони евра минатото лето.

Сепак, како што стојат работите од Реал ќе бидат задоволни и ако некој тим за него ова лето плати 40 милиои евра и ќе се согласат да го продадат за оваа сума.

Како што пренесува „Газета дело Спорт“ тимот на Милан е заинтересиран во своите редови да го донесе Србинот како замена за Златан Ибрахимовиќ.

Искусниот Швеѓанец речиси сигурно ќе си оди од „Сан Сиро“, по само една полусезона од неговото враќање во клубот каде остави значаен белег, а замената ќе му стигне токму од Реал Мадрид.