Се поблиску разделбата на Дибала со Рома, но проблемот може да настане поради 3.000.000 евра

Пауло Дибала цело лето се мисли околу тоа дали да ја напушти Рома и се чини дека конечно одлучи дека е време за преселба.

Италијанскиот новинар Џанлука ди Марцио објави дека аргентинскиот репрезентативец постигнал договор со Ал Кадиси од Саудиска Арабија и дека останува само клубот да ги договори условите за трансфер во Рома.

Истиот извор наведува дека според договорот Дибала за три години ќе заработи неверојатни 75.000.000 евра, но и дека Арапите на Рома и испратиле понуда вредна само 3.000.000 евра, па се очекува оваа понуда да биде одбиена.

„Волчицата“ во случај да реши да го продаде Аргентинецот ќе бара нешто блиску до сумата од 12.000.000 евра колку што изнесуваше продажната клаузула која важеше до почетокот на август.

Дибала наводно сакал да игра за еден од клубовите во Премиер лигата, но бидејќи се уште нема понуда од Островот, решил да ја прифати неверојатната понуда на клубот кој минатата сезона избори пласман во највисокото ниво на арапскиот фудбал.