Поврзете се со нас

Шпанија

Се „крши“ љубовта: Чави презема прв сериозен потег, на потег е Дембеле (Фото)

Објавено

на

Foto:twitter.com/FCBarcelona

Чави Ернандес беше првиот кој застана во одбрана на интересите на Усман Дембеле уште при самото пристигнување како тренер на „Камп Ноу“, но само два месеци подоцна, тренерот на каталонскиот гигант се соочува со една непријатна ситуација, како самиот тој ја окарактеризира на вчерашниот прес.

Барселона вечерва ќе гостува во Билбао кај Атлетико во осминафиналето на шпанскиот Куп, а 12 часа пред мечот стана јасно дека Чави се одлучил за потег кој веќе се најавуваше во јавноста.

Ернандес призна дека е збунет од целата ситуација и различните сигнали кои ги испраќаат агентот на Дембеле и самиот фудбалер, па сега јасно му стави до знаење дека нема да биде дел од тимот додека не донесе конечна одлука за својата иднина.

Чави го отстрани Дембеле од тимот за натпреварот со Атлетик и тој нема да патува за Билбао, што е прв сериозен чекор од тренерот на Барселона кој со ова прави дополнителен притисок врз Французинот.

Целта на Чави е да се реши ова прашање во најскоро можно време, бидејќи не планира да го испрати фудбалерот на трибините до крајот на сезоната, што всушност е желба на клубот доколку тој остане, а не го продолжи договорот. Според Чави, во овој момент, најдобра опција е Дембеле да биде продаден во последните 10 дена од зимскиот преоден рок.

Реклама
Реклама
Реклама

Популарни