Се ближи крајот на хоророт за Харт: Знам дека нема да играм во Реал, но….

Џо Харт има вртоглав пад на формата по заминувањето од Манчестер Сити, но дефинитивно, она што го доживува во измианативе две сезони е еднакво на понижување.

Некогашниот прв голман на англиската фудаблска репрезентација нема настап во Премиер лигата од декември 2018-та година, па сега кога неговиот статус на втор голман на Барнли е пред сам крај, повеќе од јасно е дека нема да го продолжи договорот со клубот.

Харт сигурно нема да го памети по добро престојот во Барнли, па сега кога ќе има улога на слободен агент, вели дека е отворен за трансфер во друга земја бидејќи се уште е прилично млад за голман (33 години).

– Во Премиер лигата го достигнав врвот, ако не го освоев сето тоа со Манчестер Сити, немаше да бидам подготвен за заминување. Се што сакам е да бидам дел од клуб кадешто ќе бидам важен.

– Знам дека нема да бидам дел од Реал Мадрид, но сигурно не ги загубив сите мои квалитети, знам како функционира фудаблот и се чувствувам гладен. Премиер лигата беше фантастична за мене, но отворен сум за проширување на искуствата, сакам трансфер во странство, – потенцира Џо во интервјуто за „Гардијан“.