Саутгејт предупредува за Македонија: Верувале или не…

Герет Саутгејт направил големо изненадување и се појавил како специјален гости во „Лаунсвуд“ училиштето во Лидс, каде одржал и мало предавање пред присутните ученици, но и новинари.

Англиската јавност сподели дел од обраќањето кое го имал селекторот на фудбалската репрезентација, кој издвоил неколку реченици и за следниот предизвик на домашен терен во месец јуни.

Англија ќе ја пречека Македонија на „Вембли“ и ќе влезе како апсолутен фаворит во таа пресметка, но Саутгејт предупредува дека нема простор за опуштање и потсети на еден интересен податок.

– Верувале или не, Англија никогаш ја нема победено Македонија на домашен терен. Исто така, Македонија ја исфрли Италија во баражот за Светското првенство и нема простор за опуштање.

– Мора да пристапиме со вистински менталитет и да играме на највисоко ниво против нив. Истото важи и за Малта, – изјавил Саутгејт, потсетувајќи на двете реми средби кои ги има забележано Македонија на гостувањата во Англија (2:2 и 0:0).

Квалификацискиот натпревар меѓу Англија и Македонија се игра на 19-ти јуни на „Вембли“.