Поврзете се со нас

Англија

Саутемптон голманската криза ја реши со 40 годишниот екс голман на Челси и Манчестер Сити

Објавено

на

Тренерот на Саутемптон, Ралф Хазенхутл се соочуваше со сериозни проблеми со составувањето на тимот за следните натпревари по повредите на двајцата голмани, Алекс Мекарти и Фрејзер Фостер.

По ваквата непосакувана ситуација, од раководството на клубот брзо реагираа и потпишаа едномесечен договор со некогашниот голман на Манчестер Сити и Челси, Вили Кабалјеро.

40 годишниот чувар на мрежата беше слободен агент, па без проблем стави потпис на договор со „светците“ каде ќе остане до 5. јануари.

Фрејзер Форстер се повреди и пред натпреварот со Брајтон, додека за време на тој натпревар со повреди Алекс Мекарти, па и двајцата ќе отсуствуваат од тимот извесен период.

Во моментов единствен голман во Саутемптон е Хари Луис, 23 годишен чувар на мрежата со никакво сениорско искуство, па токму затоа се очекува Кабалјеро да дебитира за натпреварот со Арсенал следниот викенд.

Инаку, откако стана слободен агент по завршувањето на неговиот договор со Челси, Вили тренирал во тимот на Вимблдон каде ја одржувал формата пред да пронајде нов ангажман.

Реклама
Реклама
Реклама

Популарни