Сатон за киксот на Ливерпул: Заврши „медениот месец“ за Слот

Ливерпул не успеа да го пробие бедемот на Нотингем Форест на „Енфилд“ и на крајот доживеа пораз во вчерашниот премиерлигашки настап, создавајќи му ги првите главоболки на новиот менаџер Арне Слот.

„Црвените“ досега имаа перфектен скор и Слот заработуваше комплименти, но реткиот пораз на „Енфилд“ експресно ги менува работите.

– Ова е голем чекор назад.

– Секој пораз е проблем, но посебно разочарување е кога ќе загубите од екипа која вообичаено не може да обезбеди ни Топ 10 пласман во лигата, – рекол Слот.

Холандскиот стручњак добил „поздрав“ и од Крис Сатон, кој како стручен коментатор на „Би-Би-Си“ му испратил порака по натпреварот.

– Заврши медениот месец за Слот, сега го очекува многу работа. Менаџерот сигурно не ја посакуваше паузата за репрезентациите, неговиот тим имаше многу проблеми со Форест, – рекол Сатон.

Ливерпул веќе задутре ќе има нов тест, овојпат против Милан во Лигата на шампионите.