Сатон со совет за Тони: Сега не е време за трансфер во Саудиска Арабија

Ајван Тони е пред заминување од Брентфорд, премиерлигашот сака да ги заработи очекуваните пари од трансферот на одличниот напаѓач, а повремениот репрезентативец е подготвен за нов предизвик.

За Тони се интересираа голем број премиерлигашки клубови, но сега шпекулациите се дека тој е најблиску до преселба во Саудиска Арабија, од каде Ал Ахли е тимот кој нуди највеќе за негов трансфер.

Поранешниот напаѓач, Крис Сатон, јавно го советува Тони да не прифаќа ваква варијанта.

– Мислам дека Саудиска Арабија не смее да дојде во предвид во оваа фаза од неговата кариера.

– Тој веќе се докажа во Премиер лигата и ги има сите атрибути за врвен напаѓач, напредуваше многу добро. Можете да ги имате сите пари на светот, но ова е Ајван Тони во најдобрите моменти од својата кариера и би сакал да остане во Англија. Би одел во Саудиска Арабија кога ќе наполнам 35 години.

– Разбирам зошто Брентфорд сака да инкасира 50 милиони фунти кога тој има уште една година од договорот, но ќе биде голема штета за фудбалот ако отиде таму. Ете Манчестер Јунајтед има потреба од напаѓач, одлично ќе се вклопи таму, – вели Сатон.