Сатон со прогноза за колото во ПЛ: Многу голови на дербито и пораз на Манчестер Јунајтед

Поранешниот премиерлигашки напаѓач, Крис Сатон, викендов продолжи со традиционалното прогнозирање на точните резултати во англиското првенство, а неговата прогноза најавува минимални победи за дел од фаворитите и кикс на Манчестер Јунајтед.

Сатон смета дека Манчестер Јунајтед ќе загуби на домашен терен од Борнмут, а како причина ја наведува слабата игра на екипата, без разлика што минатото коло беше совладан градскиот ривал Манчестер Сити.

Според англиската легенда, Арсенал и Челси ќе обезбедат минимални победи на гостински терен, додека Манчестер Сити ќе одигра нерешено на незгодното гостување кај Астон Вила.

Најинтересен треба да биде дуелот меѓу Тотенхем и Ливерпул, а таму Сатон очекува многу голови поради стилот на игра на двете екипи, но и победа на актуелниот лидер во Премиер лигата.

Астон Вила-Манчестер Сити 1:1
Брентфорд-Нотингем Ф 1:1
Ипсвич-Њукасл 1:2
Вест Хем-Брајтон 1:2
Кристал Палас-Арсенал 0:1
Евертон-Челси 1:2
Фулам-Саутемптон 2:0
Лестер-Волвс 1:1
Манчестер Јунајтед-Борнмут 1:2
Тотенхем-Ливерпул 2:3